'O VOLO

(A Samuele)

Teneva 'e "ppenne gialle
'ca quanno se muveva
pareva 'nu fascio 'e banane
'cu 'e cosce sotto!

Quanno cantava era 'na musica...

Nun stunava maje 'na canzone,
pure si cantava sempe 'a stessa
'pe "mme era sempe comme
'a primma vota 'co sentevo!

Quando se ne scenneva 'o sole,
io 'o vedevo 'ca se metteva
dint'a n'angulillo 'dà cajola
comme 'nu crituro in punezzione,

e quase 'na pena me faceva;
comme si capenno 'ca 'a "ggente
a chell'ora se ne jeva 'a "ddurmì
nun vulevo dà "cchiù fastidio:

preferiva 'e se stà zitto e se ì addurmì pur'isso...

Comme a quanno se metteva
dint'o scuro 'dà cajola,
stammatina io l'aggia visto
e sò rimasto senza 'na parola.

E ch'è succieso a st'amicone mio?
Nun cante, nun se move,
nun zompa accà e allà,
nun sbatte 'e scelle...

Tene l'uocchie miezze arapute,
ma nun c'ha fà a se trattenè,
me guarda, e senza 'na parola
senza se movere, senza s'aizzà

se ne va, vola 'pe sempe...
manco 'o tiempo 'e salutà!

 

Ottavio Buonomo

 

05.10.2006